Ўзбекистон Республикаси Президентининг 2022 йил 17 февралдаги  “Ногиронлиги бўлган шахсларни ҳамда аҳолининг ижтимоий ҳимояга муҳтож қатламларини қўллаб-қувватлашнинг қўшимча чора-тадбирлари тўғрисида”ги ПФ-74-сон фармонига асосан 2022 йил 1 октябрдан бошлаб 18 ёшгача ногиронлиги бўлган болалар ва инсоннинг иммунитет танқислиги вируси келтириб чиқарадиган касалликка чалинган 18 ёшгача болаларга тўланадиган нафақаларни ҳамда ўзгалар парваришига муҳтож ногиронлиги бўлган 18 ёшгача болаларнинг парвариши билан банд бўлган боланинг қонуний вакилига тўланадиган парваришлаш нафақасини фуқаролардан қўшимча ҳужжатларни талаб этмаган ҳолда «проактив шакл»да тайинлаш тизимини жорий этилади. 

Эски тартиб бўйича 18 ёшгача ногиронлиги бўлган болалар ва инсоннинг иммунитет танқислиги вируси келтириб чиқарадиган касалликка чалинган 18 ёшгача болаларга тўланадиган нафақалар ҳамда парваришлаш нафақаси тайинлаш учун фуқаролар Давлат хизматлари марказларига ёки Ягона интерактив давлат хизматлари порталига қилган мурожаатлари асосида бюджетдан ташқари Пенсия жамғармасининг туман (шаҳар) бўлимлари томонидан тайинланар ва тўланар эди. 

Эндиликда ушбу тоифадаги фуқароларга ногиронлик белгиланиши билан электрон тартибда хеч қандай мурожаатларсиз нафақа тайинланади ва тўланади. 

Равшанбек Жуманиязов
Пенсия жамғармаси Қўшкўпир туман бўлими бошлиғи.

ҚЎШКЎПИР ТУМАН ҲОКИМЛИГИ МАТБУОТ ХИЗМАТИ

Постни тарқатинг: