ТАДБИР
"Ўзбек қадриятлари ва урф-одатлари бувижонлар талқинида" шиори остида Қўшкўпир тумани Ошоққалъа маҳалласидаги "Маданият маркази"да маданий-маърифий тадбир ташкил этилди.
Тадбир туман ҳокимлиги ҳамда туман Оила ва хотин-қизлар бўлими билан ҳамкорликда ўтказилди. Унда 1-сектор ҳудудидаги маҳалла фаоллари, нуроний онахонлар ва ёшлар иштирок этдилар.
Тадбирда сўзга чиққанлар оилалар ва маҳаллаларда ижтимоий-маънавий муҳитни барқарорлаштириш, маҳалла ва таълим муассасаларида ёшларни мустақил ҳаётга тайёрлаш, ёш оилалар ўртасида ажримларнинг олдини олиш ҳамда хотин-қизларни миллий одоб ва урф-одатлар руҳида тарбиялашда “Бувижонлар мактаби”нинг бой ҳаётий тажрибага эга бўлган нуроний онахонлари берадиган кўрсатма ва маслаҳатлари муҳим аҳамият касб этишини алоҳида таъкидладилар.
Тадбир давомида куйланган куй-қўшиқлар, турли-хилдаги чиқишлар йиғилганлар кўнглига хушнудлик улашди.Тадбирга ташриф буюрган онахонлар миллий урф-одатларимиз, миллий қадриятларимиз тўғрисида гапириб ўтдилар.
Қўшкўпир туман ҳокимлимги Матбуот хизмати
