“Ёшлар шахмат тахтаси” мусобақаси бўлиб ўтди
Мамлакатимизда спортни кенгроқ тарғиб қилиш ва оммалаштириш, ёш спортчиларнинг малакасини ошириш, ўқувчиларни бўш вақтини мазмунли ташкил этишларига кўмаклашиш, қадимий ақл-идроқ ўйни саналган шахмат санъатини маънавиятимизнинг бир бўлаги сифатида эъзозлаш ҳамда ўсиб келаётган ёш авлоднинг мантиқий тафаккур даражасини ўстириш, уларни спорт мусобақаларига жалб этиш, ёшлар ўртасида соғлом турмуш тарзини қарор топтириш мақсадида Қўшкўпир туманида спорт мусобақалари ўтказиб келинмоқда.
Анашундай мусобақалардан бири туман ҳокимлиги, ХТБ, Ёшлар иттифоқи туман Кенгаши ҳамда Жисмоний тарбия ва спорт бўлими ҳамкорлигида 10-сонли мусиқа ва санъат мактабида бўлиб ўтди.
“Ёшлар шахмат тахтаси” анъанавий Республика очиқ мусобақасининг ушбу туман босқичида мактабларда таълим олаётган 7 ёшдан 9 ёшгача, 11 ёшдан 13 ёшгача, 15 ёшдан 19 ёшгача бўлган жами 256 нафар ўқувчилар қатнашди.
Шулардан 113 нафарини қизлар ташкил этди. Мусобақа жуда юқори савияда, кўтаринки руҳда давом этди. Ғолибликни қўлга киритган 18 нафар иштирокчи ушбу мусобақанинг вилоят босқичида қатнашиш шарафини қўлга киритди.
Постни тарқатинг:
