Қўшкўпир туманида босқичма-босқич янги ўқув йилига ўқувчилар жалб қилинмоқда. 14-сентябрь куни тумандаги 27, 33, 34, 31-сон мактаблар, 15-сентябрь куни  43, 23, 37, 50, 11-сон мактаблар, 16-сентябрь куни  26, 29, 49-сонли ўрта умумтаълим мактабларида ўқиш бошланди. Мактабга келган ўқувчилар анъанавий ўқиш усулини танлаган ўқувчилардир. Мактабнинг илк кунида 1-синф ўқувчилари учун аталган Президент совғалари топширилди. 7-сентябрь куни янги ўқув йилини бошлаган 2-сон мактабида ҳам Президент совғалари тантанали тарзда топширилди. Ҳар хил турдаги ўқув қуроллари ва дарсликлар ўқувчиларни бирдек хурсанд қилди.

Улар энди пандемия шароитида карантин қоидаларига амал қилган ҳолда, оралиқ масофани сақлаш, қўлларни тез-тез тозалаш, тиббий ниқоб ва антисептик воситалардан фойдаланиб, ўқишни анъанавий тарзда давом эттиришади. Шунингдек, онлайн тарзда таълим олиш истагини билдирган ўқувчиларнинг мукаммал таълим олишлари йўлида ҳам худди шундай эътибор қаратилади.  

ҚЎШКЎПИР ТУМАН ҲОКИМЛИГИ АХБОРОТ ХИЗМАТИ

Постни тарқатинг: