“Янги Ўзбекистон - янги сайловлар” шиори остида акция
Қўшкўпир тумани Агросаноат коллежи биноси олдида “Юксалиш” умуммиллий ҳаракат ташаббуси доирасида “Янги Ўзбекистон - янги сайловлар” шиори остида акция бўлиб ўтди. Акцияга туманимизнинг турли жойларидан иштирокчилар етиб келдилар. Тадбирни Қўшкўпир тумани ҳокими Жўрабек Раҳимов очиб бериб, барча қатнашчиларга 22-декабрь сайлов куни фаол бўлишларини тилади. Тадбирни жўшқин ва кўтаринки руҳда ташкил этиш мақсадида иштирокчиларга сайлов хусусида саволлар берилди. Саволларга тўғри ва тўлиқ жавоб берганларга эса совғалар топширилди. Сўнг истеъдодли хонандалар ва эстрада юлдузлари иштирокида концерт дастури намойиш этилди.
Постни тарқатинг:
