"ДЕПУТАТЛАР" ЖАМОАСИ 1-ЎРИННИ ҚЎЛГА КИРИТИШДИ
Хабарингиз бор, Ўзбекистон Республикаси Олий Мажлиси Сенати Кенгашининг 2020 йил 30 декабрдаги «Парламент ўйинлари» спорт мусобақаларини ташкил этиш ва ўтказиш тўғрисида» КҚ-174-IV-сонли қарорига асосан Туризм ва спорт вазирлиги билан ҳамкорликда уч босқичли спорт мусобақалари ўтказилмоқда. Унда халқ депутатлари маҳаллий Кенгашлар депутатлари, Ўзбекистон Республикаси Олий Мажлиси Сенати ҳузуридаги Ёшлар парламенти ҳамда Ўзбекистон Республикаси Олий Мажлиси Сенати аъзолари ва Девони ходимларидан иборат бўлган жамоалар Ўзбекистон Республикаси Олий Мажлиси Сенати Раиси кубоги учун кураш олиб бормоқда.
Бугун спортнинг стол тенниси ва волейбол спорт тури бўйича мусобақанинг вилоят босқичи бўлиб ўтди. Мусобақада Қўшкўпир туманидан стол тенниси бўйича эркаклар ўртасида депутат Азизбек Эркинов, аёллар ўртасида ўтказилган баҳсда депутат Назокат Боймуратовалар фахрли 3-ўринни қўлга киритди. Шунингдек, волейбол мусобақасида Халқ депутатлари Қўшкўпир туман Кенгаши "Депутатлар" жамоаси 1 -ўринни қўлга киритишди.
