Бугун аз-Замахшарий номли маданият ва истироҳат боғида қад ростлаган арча атрофида Янги йил байрами тантаналари бўлиб ўтди. Ўзбекистон Ёшлар иттифоқи Қўшкўпир туман Кенгаши томонидан "Камалакдан Янги йил" лойиҳаси доирасида бўлиб ўтган ушбу тадбирда туманнинг барча фаол ёшлари байрамона чиқишлари билан барчага қувонч ва завқ бағишладилар. Тадбир давомида иқтидорли ва истеъдодли болалар ва ёшлар томонидан миллийликни тараннум этувчи рақс ва ашуллалар ижро қилиб берилди. Айниқса, қувноқлар ва зукколар чиқишларининг намойиши барчада ўзгача кайфият уйғотди. Тадбир сўнгида барча иштирокчилар ва ёшлар келажаги йўлида меҳнат қилаётган бир гуруҳ ходимлар Ўзбекистон Ёшлар иттифоқи Қўшкўпир туман Кенгаши томонидан диплом, "Фахрий ёрлиқ" ва эсдалик совғалари билан тақдирландилар.

Постни тарқатинг: