Бугун "Маҳаллабай ишлаш тизими" бўйича “Шихмашҳад” маҳалласида бўш иш ўринлари ярмаркаси, бепул тиббий кўрик, аҳолини тадбиркорликка жалб этиш мақсадида кўргазмалар, шахмат ва шашка мусобақалари ташкил этилди. Бўш иш ўринлари ярмаркасида ҳозирги кунда ишсиз фуқаролар иштирок этиб, уларга Аҳоли бандлигига кўмаклашиш маркази ходимлари, турли ташкилотлар ўзларидаги мавжуд бўш иш ўринларини таклиф этдилар. Шунингдек, таклиф этилган бўш иш ўринларида ишлаш истагини билдирган фуқароларга тегишли мутахассислар томонидан йўлланмалар берилди.  Кўнгилли аҳоли вакиллари бепул тиббий кўрикдан ўтиб, шифокор маслаҳатларини олишди. Спорт мусобақаси ғолиблари тадбир якунида махсус диплом билан тақдирланди.

Постни тарқатинг: