15–октябрь "Халқаро қишлоқ аёллари куни"
Қўшкўпир туман ҳокимлиги, туман спортни ривожлантириш бўлими, туман ХТБ билан ҳамкорликда “Ошоқ қалъа" маҳалласида жойлашган 27-сон умумий ўрта таълим мактабида “Қишлоқ жавоҳирлари" шиори остида аёллар ўртасида спорт мусобақалари ўтказилди.
Қишлоқ жойларида оммавий спортни ривожлантириш, соғлом турмуш тарзини шакллантириш, қишлоқ аёлларини жисмонан соғлом бўлишга етаклаш мақсадида 15–октябрь "Халқаро қишлоқ аёллари куни"муносабати билан спортнинг пиёда юриш, стол теннис, шашка, шахмат, волейбол, баскетбол,
бадминтон турларидан 20-50 ёшгача бўлган аёллар ўртасида мусобақалар бўлиб ўтди.
Мусобақада туман депутати Б.Оллоёров, туман спортни ривожлантириш бўлими раҳбари Т.Саттарова, туман спорт мактаби директори Б.Абдиев, 1-секторга жисмоний тарбия ва спорт бўйича масъул А.Жуманиёзов ва маҳалла фаоллари иштирок этди.
Қўшкўпир туман депутати Б.Оллоёров ҳамда туман спортни ривожлантириш бўлими раҳбари Т.Саттаровалар сектор босқичидаги мусобақа ғолибларига келгуси туман биринчилигида муваффақиятлар
тилашди.
Ғолиблар диплом ва ташаккурномалар билан тақдирланди.
ҚЎШҚЎПИР ТУМАН ҲОКИМЛИГИ МАТБУОТ ХИЗМАТИ
