Хотин-қизлар ўртасида соғлом турмуш тарзини ривожлантириш спортни оммалаштириш мақсадида туман хотин-қизлар қўмитаси, спорт бўлими, касаба уюшмалари билан ҳамкорликда Қўшкўпир тумани Болалар ва ўсмирлар спорт мактабида стол тенниси, шашка, 60 метрга югуриш бўйича мусобақа ўтказилди. “Хотин-қизлар ҳафталиги” муносабати билан ўтказилган мазкур мусобақада туманда фаолият олиб бораётган корхона ва ташкилот ходимлари, маҳаллалар маслаҳатчилари иштирок этдилар. -Аёл соғлом бўлса фарзандлар бахтли, келажак обод бўлади,-дейди Давлат муассасалари ва жамоат ташкилотлари касаба уюшмаси туман Кенгаши раиси Саломат Хўжаниёзова.-Спорт ҳар кимнинг кундалик фаолиятига, ҳамроҳига айлансагина оилаларда тўла саломатликка эришилади. Ушбу мусобақада жами 25 нафар иштирокчи қатнашди. Ғолиблар диплом ва қимматбаҳо совғалар билан тақдирландилар. Қўшкўпир туман ҳокимлиги матбуот хизмати

---