АЛИШЕР НАВОИЙНИНГ 581 ЙИЛЛИГИ
АЛИШЕР НАВОИЙНИНГ 581 ЙИЛЛИГИ
Жорий йилда буюк шоир, мутафаккир, давлат арбоби Алишер Навоий таваллудига 581 йил тўлди. Ушбу улуғ кунга бағишланган бадиий-адабий кечалар бугун барча таълим муассасаларида, ўқувчи-ёшлар иштирокида ташкил қилинмоқда. Бугун туман маданият марказида кўтаринки руҳда бўлиб ўтган тадбирда ҳам Алишер Навоийнинг бой ва серқирра ижоди фақат ўзбек адабиётидагина эмас, балки жаҳон адабиётида ҳам салмоқли ўрин эгаллаши хусусида сўз борди. Тадбирда фаол ўқитувчи ва ўқувчилар томонидан ғазал, рубоийлар ўқилди, сўнгра тадбир куй-қўшиқларга уланиб, йиғилганларга аъло кайфият улашди. Тадбир якунида ҳамкор ташкилотлар томонидан фаол ўқитувчи ва ўқувчиларга китоблар жамланмаси совға қилинди.
ҚЎШКЎПИР ТУМАН ҲОКИМЛИГИ АХБОРОТ ХИЗМАТИ
