Болажонлар - эртанги кунимизнинг ишончли кучи. Уларнинг эртага буюк, халқпарвар инсон бўлиб етишишларида мактабгача таълим ташкилотида олган таълим ва тарбияси муҳим аҳамият касб этади.

Бу йил Қўшкўпир туманидаги 39-сонли Давлат мактабгача таълим ташкилоти янги йил бошидан болажонларни янги кўринишда, замонавий қиёфада қарши олди. Ушбу бинода янгидан жорий таъмирлаш ишлари олиб борилди ва қулай, замонавий шарт-шароитларга эга тарзда фойдаланишга топширилди.

125 ўринга мўлжалланган ушбу таълим-тарбия масканида инглиз тили, мусиқа, спорт тўгараклари фаолияти йўлга қўйилган. 30 та иш ўрни яратилган.

-Болаларимизга ҳозирданоқ тарбияни кучайтиришимиз керак,-дейди МТТ мудири Муяссар Матсапаева.-Уларнинг эртага қандай инсон бўлиб вояга етиши бизнинг кимлигимизни, қандай билим ва тажрибага эга эканлигимизни белгилаб беради. Мен ишонаман, бугуннинг болалари эртамизнинг қалқонига айланишади.

ҚЎШКЎПИР ТУМАН ҲОКИМЛИГИ АХБОРОТ ХИЗМАТИ

Постни тарқатинг: