Қўшкўпир тумани марказида ўрнатилган Янги йил арчаси атрофида турли маданий тадбирлар ўтказилаётгани туманимиз аҳолиси, айниқса, болажонларга кўтаринки кайфият туҳфа этмоқда.

Қўшкўпир туман маданият бўлими ижодий жамоаси ва 10-сон Болалар ва мусиқа санъат мактаби ходимлари томонидан ташкил этилаётган концерт дастурлари ранг-баранглиги билан томошабинлар диққатини ўзига тортаяпти.

Хусусан, бу жараёнлар қувноқ болажонлар учун унутилмас лаҳзаларга бой бўлмоқда. Арча атрофида  Қорбобо ва Қорқизлар иштирокидаги ўйинлар кичкинтойларимизни ҳақиқий мўъжизалар оламига олиб кирмоқда.

Болажонларга қувонч улашиш мақсадида Қўшкўпир туман ҳокимлиги томонидан Янги йил совғалари улашилди.

ҚЎШКЎПИР ТУМАН ҲОКИМЛИГИ МАТБУОТ ХИЗМАТИ

Постни тарқатинг: