Аҳоли мурожаатлари ўрганилмоқда
Қўшкўпир туман ҳокимининг иқтисодиёт ва тадбиркорлик масалалари бўйича биринчи ўринбосари Одилбек Артиқов бугун фуқаролар мурожаатларини қабул қилди.
Унда жами 13 нафар фуқаро ўзларининг муаммолари ва таклифлари билан иштирок этдилар.
-Тадбиркорликни йўлга қўйиб, шу фаолиятни кенгайтирмоқчиман,-дейди фуқаро Отабой Жуманиёзов.-Менга кредит ажратиб беришда амалий ёрдам берсангиз.
Ушбу фуқаронинг мурожаати шу ернинг ўзида туман банк раҳбарлари томонидан амалий ёрдам берилиши айтилди. Шунингдек, фуқаро Тоҳир Отаниёзов ҳам ўзи истиқомат қилаётган хонадонига электрь токи ўтказиб беришда амалий кўмак сўради. Мурожаатчининг ушбу масаласи ҳам туман электрь тармоқлари корхонаси раҳбарининг ўрганишлари асосида ҳал қилинадиган бўлди.
Исломбек Омонбоев, Комил Худайберганов, Шодия Матёқубова, Отажон Шеровлар томонидан билдирилган моддий ёрдам, тадбиркорлик ҳамда футбол майдончаси ташкил этиш учун ер майдони ажратиб бериш, кредит масалалари бирма-бир кўриб чиқилди ва ечимига алоҳида эътибор қаратилди. Билдирилган мурожаатларнинг 10 таси шу ернинг ўзида ижобий ечимини топган бўлса, қолганлари ўрганишлар асосида ҳал қилиб берилиши айтилди. 
Қабулда тумандаги барча ташкилот раҳбарлари иштирок этдилар.
Постни тарқатинг:
