Бугунги инсоният бошидан кечаётган ташвишли кунларда халқимиз ҳамжиҳатликда коронавирус инфекцияси тарқалишини олдини олиш мақсадида кўчага чиқмасдан уйда қолган ҳолда касалликни енгишга ёрдам бермоқдалар.  Коронавирус пандемияси Қўшкўпир туман аҳлини ташвиш ва саросимага солаётгани йўқ. Улар карантин қоидаларига, шифокорлар кўрсатмаларига риоя қилган ҳолда ҳар кунини мазмунли ташкил қилмоқдалар. Давлатимиз томонидан халқимизни ҳар жиҳатдан ҳимоя қилиш, қўллаб-қувватлашга алоҳида эътибор қаратилмоқда. Туманда ҳам ижтимоий ҳимояга муҳтож, кексалар, ишсизлар, шунингдек, доимий ишламайдиган ва ҳар куни карантин туфайли ишлай олмаётган фуқаролар, ногиронлиги бўлган шахслардан иборат жами 120 нафар оилага  зарур озиқ-овқат маҳсулотлари етказиб берилди.

-Ҳар биримизнинг саломатлигимиз, тинчлигимизни ўйлаб қайғураётган Президентимизга ташаккуримни билдираман,-дейди фуқаро Фотима Абдуллаева.-Мана бугун Маҳалла ва оилани қўллаб-қувватлаш туман бўлими томонидан уйимга ёғ, ун, шакар, макарон, товуқ гўшти, мол гўшти, картошка, пиёз, гуруч, мош, тухум каби озиқ-овқат маҳсулотлари ҳамда қўлқоп, антисептик ва гигиеник воситалардан иборат маҳсулотларни бериб кетишди. Яна, моддий ёрдамлар бериляпти. Биз жуда миннатдормиз. Давлатимиз томонидан биз каби фуқароларни ўйлаб эзгу тадбирлар ташкил қилинаяпти экан, биз ҳам уйда қолган ҳолда касалликни енгишга кўмаклашамиз.

Анашундай миннатдорлик сўзлари яна кўплаб фуқаролар томонидан билдирилди.

CAII-марказга Қўшкўпир туманидан тушаётган ҳар бир мурожаатларга ҳам  жиддий эътибор қаратилиб, ечими юзасидан амалий чоралар йўлга қўйилган. Яъни, озиқ-овқат маҳсулотларига эҳтиёжи бўлган фуқаролар учун ҳар бир ҳудудга маҳсулотларни етказиб берувчи махсус транспортлар ташкил қилинган.

Кеча 90 та оилага жами 130 млн сўмлик озиқ-овқат маҳсулотлари  етказиб берилган бўлса, бугуннинг ўзида 57 та оилага 9 млн сўмлик егулик маҳсулотлари етказилди.

Бундай хайрли ишлар нафақат туман марказий штаби томонидан, балки ҳомийлар, тадбиркорлар томонидан ҳам амалга оширилмоқда.

Постни тарқатинг: