Cунъий қопламали спорт майдончалари
Мамлакатимизда болалар спортини ривожлантиришга алоҳида эътибор қаратилмоқда. Ёшларни жисмонан ва руҳан баркамол инсон қилиб тарбиялаш, соғлом турмуш тарзини шакллантиришга кўмаклашишга бугун тадбиркорлик субъектлари ҳам ўз ташаббуслари билан ҳисса қўшмоқдалар.
Бу борада бугунги кунда Қўшкўпир туманида барча мактаб муассасаларига яқин ҳудудларда сунъий қопламали спорт майдончалари барпо этилмоқда. Ушбу спорт майдончаларининг барпо этилишида тадбиркорнинг ташаббускорлиги муҳим бўлса, банклар томонидан берилаётган имтиёз ва молиявий кўмакнинг ўрни каттадир. Шу бугунга қадар туманда 42 та мактаб биносига яқин ҳудудларда спорт майдончалари қурилган бўлса, ҳозирда “Кенагас” маҳалласидаги 11-мактаб ҳудудига тадбиркор Оллаберди Каримов, “Чаманзор” маҳалласидаги 8-мактаб ҳудудига тадбиркор Бекзод Қурязов, “Янгилик” маҳалласидаги 4-мактаб ҳудудига тадбиркор Олимбой Оллақулиев, “Қоравул” маҳалласидаги 35-мактаб ҳудудига тадбиркор Фарҳод Искандаров, “Бўрлоқ” маҳалласидаги 36-мактаб ҳудудига тадбиркор Баҳром Қўзиев, “Амирқум” маҳалласидаги 38-мактаб ҳудудига тадбиркор Фозилбек Рўзметовлар ўз ташаббуслари доирасида сунъий қопламали спорт майдончасини қуриб якунига етказмоқдалар. Сунъий қопламали футбол майдони замон талабларига мос жиҳозланмоқда. Ушбу спорт майдончалари ёшларга бўш вақтларини мазмунли ташкил етиш, жисмоний чиниқишлари учун ҳар куни белгиланган вақт доирасида хизмат кўрсата олади.
