ҚИШЛОҚ АЁЛЛАРИ ҚИШЛОҚ ЖАВОҲИРЛАРИДИР
Бирлашган Миллатлар Ташкилоти Бош Ассамблеясининг 2007 йил 18 декабридаги йиғилишида 15-октябрь “Халқаро қишлоқ аёллари куни” деб расман эълон қилинган.
Бугунги кунда дунёнинг кўплаб давлатларида мазкур сана халқаро қишлоқ аёллари куни сифатида кенг нишонланиб келинмоқда.
Қўшкўпир туманида ҳам ушбу сана “Халқаро қишлоқ аёллари куни" кенг нишонланди.
Қўшкўпир туманида ушбу байрам муносабати билан туман ҳокимлиги, туман Оила ва хотин-қизлар бўлими, Ўзбекистон ёшлар иттифоқи Қўшкўпир туман Кенгаши, Республика Маънавият ва маърифат маркази Қўшкўпир туман бўлинмаси билан ҳамкорликда тадбир ўтказилди. 
Тадбирда байрамга бағишлаб, "Расмлар танлови" ҳамда "Иншолар танлови" ҳам бўлиб ўтди. Ғолиблар диплом, фахрий ёрлиқ ва эсталик совғалар билан тақдирландилар.
10-сон Болалар мусиқа ва санъат мактаби ўқувчилари томонидан турли хил чиқишлар ҳамда расмлар, қўл меҳнати билан қилинган кўргазмалар, шу билан биргалиеда, туман "Ахборот кутубхона маркази"нинг китоблар кўргазмаси ҳам намойиш этилди.
Шунингдек, тадбирда сўзга чиққанлар барча аёлларни байрам билан қутлади.
Тадбир давомида, тадбир иштирокчилари "Қишлоқ хўжалиги соҳасининг энг намунали фидоий аёл ходимаси", "Энг намунали пиллакор аёл", "Энг намунали пахтакор аёл", "Энг фаол фермер аёл", " Кооперация фаол аёли", "Сув хўжалиги соҳасининг энг намунали фидоий аёл ходимаси", "Энг намунали уста-шогирд мактаби яратган аёл ҳунарманд", "Энг иқтидорли "Қизларжон" клуби сардори", "Энг фаол шифокор", "Энг фаол хотин-қизлар фаоли", "Қишлоқ ҳудудидаги энг иқтидорли қиз", "Энг яхши методист тарбиячи", " Моҳир қўл устаси", "Қишлоқнинг энг намунали ўқитувчиси" ва шу каби бир қатор номинациялар билан тақдирланишди. Номинация ғолибларига эсталик совғалар топширилди.
Тадбирда туманимиз пахта хирмонига ўз ҳиссасини қўшиб келаётган фаол теримчи аёллар ҳам таклиф қилиниб, туман ҳокимлигининг эсдалик совғалари билан тақдирландилар.
Санъаткорлар ижросидаги куй-қўшиқлар тадбирга янада кўтаринки кайфият улашди.
Барчага яна бир бор байрам муборак бўлсин!!!
ҚЎШКЎПИР ТУМАН ҲОКИМЛИГИ МАТБУОТ ХИЗМАТИ
