ҚЎШКЎПИР ТУМАНИДА ЁШЛАРНИ ЧАҚИРИҚҚА ТАЙЁРЛАШ БЎЙИЧА ТАЯНЧ МАКТАБИ ИШ ФАОЛИЯТИНИ БОШЛАДИ
ҚЎШКЎПИР ТУМАНИДА ЁШЛАРНИ ЧАҚИРИҚҚА ТАЙЁРЛАШ БЎЙИЧА ТАЯНЧ МАКТАБИ ИШ ФАОЛИЯТИНИ БОШЛАДИ
Ўзбекистон Республикаси Президенти Ш.М.Мирзиёевнинг 2021 йил 12 январдаги Хавфсизлик кенгашининг кенгайтирилган йиғилишидаги топшириқлар ижросини бажариш мақсадида Қўшкўпир туманида Ёшларни чақирувга қадар бошланғич тайёргарлик фани бўйича таянч мактаб фаолияти йўлга қўйилди. Бугун Қўшкўпир туман ҳокимлиги, Хоразм вилояти Мудофаа ишлари бошқармаси ва туман бўлими, Ёшлар ишлари агентлиги туман бўлими, Ёшлар иттифоқи туман Кенгаши, Халқ таълими бўлими, Ватанпарвар ташкилоти туман бўлими, туризм ва спорт бўлими ҳамкорлигида ушбу мактабнинг очилиш маросими ташкил қилинди.
Мактабнинг очилиш маросимида Хоразм вилояти Мудофаа ишлари бошқармаси Чақирув бўлими бошлиғи подполковник Р.Сиддиқов, туман Мудофаа ишлари бўлими бошлиғи подполковник А.Маматов сўзга чиқиб, Ёшларни ватанпарварлик руҳида тарбиялаш мақсадида 8-сон умумий ўрта таълим мактабининг таянч мактаби қилиб белгиланганлигини эълон килиб, Мудофаа вазирлигининг рамзий байроғини мактаб директори Б.Қурёзовга тантанали равишда топширди. Шунингдек, мактаб директори Б.Қурёзов ва чақирувга қадар бошланғич тайёргарлик фани ўқитувчиси Ж.Худойбергановга Шимолий-ғарбий ҳарбий округи қўшинлар қўмондони полковник Ф.Шерматовнинг ташаккурномаси тантанали равишда топширилди. Шундан сўнг тадбир иштирокчилари мактабда яратилган шарт-шароитлар билан танишдилар.
ҚЎШКЎПИР ТУМАН ҲОКИМЛИГИ АХБОРОТ ХИЗМАТИ
