МИЛЛИЙ КИЙИМЛАР - МИЛЛИЙ ИФТИХОР
Қўшкўпир туманидаги 10-сонли болалар мусиқа ва санъат мактабида Республика маънавият ва маърифат маркази туман бўлинмаси, Ёшлар иттифоқи туман Кенгаши, “Миллий тикланиш” демократик партияси туман Кенгаши билан ҳамкорликда “Ассалом, Наврўз-янгиланиш, меҳр-оқибат ва қадр-қиммат айёми” шиори остида “Миллий кийимлар - миллий ифтихор” мавзусида тадбир ташкил этилди. Тадбирга “Миллий тикланиш” демократик партияси вилоят кенгаши ўринбосари Ш.Тангриберганова, мактаб ўқувчилари ва ёшлар, мусиқа мактаби ходимлари таклиф этилдилар. Тадбирда кўкламни тараннум этувчи шеърлар, куй-қўшиқлар, янгради. Айниқса, 4-сон мактаб ўқувчиларининг чиқишлари даврага янада файз киритди. Тадбирда иштирок этганлар, миллий анъана ва қадриятларимиз, бой тарихга эга Наврўзимиз ҳақида ўзларининг фикр-мулоҳазаларини билдирдилар. Шунингдек, тадбирда фаол иштирок этган ўқувчиларга фахрий ёрлиқ ва эсдалик совғалари топширилди.
