НАРХ-НАВО БАРҚАРОРЛИГИ ТАЪМИНЛАНМОҚДА
Мамлакатимизда айни вақтда COVID-19 коронавирус инфекцияси туфайли эълон қилинган карантин пайтида деҳқон бозорларда қишлоқ хўжалиги маҳсулотлари барқарорлигини таъминлаш, озиқ-овқат маҳсулотлари нархи ошиб кетишининг олдини олиш бўйича Қўшкўпир туманида ҳам тизимли ишлар амалга оширилмоқда.
Шунингдек, аҳолининг барча турдаги озиқ-овқат маҳсулотларига бўлган эҳтиёжини қондириш мақсадида Қўшкўпир тумани кундалик деҳқон бозорида арзонлаштирилган савдо ярмаркаси ташкил этилди.
Савдо ярмаркасида мол гўшти 40000 сўм, пиёз 3000-3500 сўм, картошка 3500-4000 сўмдан сотилмоқда. Карантин эълон қилинди дегани озиқ-овқат маҳсулотлар танқислиги кузатилиб, нархи ошади, дегани эмас.
Бозорларда картошка, пиёздан тортиб барча турдаги деҳқончилик ва полиз, мева-сабзавот маҳсулотилари арзон нархда ошиғи билан бисёр қилинган. Маҳсулотларнинг нархи ҳар куни туман раҳбарияти, Бош прокуратура ҳузуридаги департаментнинг туман бўлими ҳамда сектор раҳбарлари томонидан доимий назорат қилинмоқда. Бундан асосий мақсад аҳолини хавфсиз ва кафолатли, арзон маҳсулотлар билан таъминлашга қаратилган.
Постни тарқатинг:
