Қўшкўпир тумани марказида фаолият олиб бораётган “Равшанбек” оилавий корхонаси бугунги кунда ўзининг сифатли нон ва нон маҳсулотлари билан халқимизга хизмат кўрсатмоқда.

Хитойдан олиб келинган замонавий нон пиширгич техникалари ёрдамида 1 кунда 500 та бухонка, 600 дона хотдог блочкаси, 60-70 дона қора нон маҳсулотлари тайёрланади ва тумандаги ички бозор ва дўконларга арзонлаштирилган нархларда етказилмоқда.

Иш вақтимиз эрта бошланади,-дейди иш юритувчи Ирода Бекчанова.-соат 7:00 гача маҳсулотларимиз халқимиз дастурхонига тайёр бўлади. Нон маҳсулотларидан ташқари ширинликлар ҳам тайёрлаймиз. Ойлик маошимиз яхши.

65 млн сўм кредит эвазига манашу нон цехни ташкил қилдик,-дейди тадбиркор Санжар Абдушарипов.-Бугунги кунда мамлакатимизда тадбиркорлик билан шуғулланаман деган инсонга шароитлар яратиб берилган. Фақатгина инсонда хоҳиш, мақсад ва ҳаракат бўлса етарли.

ҚЎШКЎПИР ТУМАН ҲОКИМЛИГИ АХБОРОТ ХИЗМАТИ

Постни тарқатинг: