ОБОД БЎЛАЁТГАН МАҲАЛЛАЛАРДА ИШ ЖАРАЁНИ ҚИЗҒИН ПАЛЛАДА
ҲАМКОРЛИКДА ҲИКМАТ КЎП
ОБОД БЎЛАЁТГАН МАҲАЛЛАЛАРДА ИШ ЖАРАЁНИ ҚИЗҒИН ПАЛЛАДА
Айни кунларда Қўшкўпир тумани “Кўназей” маҳалласида ҳам ободонлаштириш ишлари қизғин давом этаётганини кўриш мумкин. Ҳамкорликда, ҳамжиҳатликда ҳикмат кўп деганларидек, маҳалла аҳли уюшқоқлик, бирдамдикда хашар ишларини олиб бормоқдалар. Уйларнинг том қисмлари таъмирланиб, ташқи томони ободонлаштирилмоқда. Эндиликда ҳар бир уйнинг олдига гуллар ва манзарали дарахтлар экилади. Бу эса маҳалладаги ҳар бир хонадонга янада нафосат бағишлайди.
“Кўназей” маҳалла фуқаролар йиғини ҳудудидаги 755 та хонадонларда яшовчи 3845 нафар аҳолига қулай шароитлар яратиш мақсадида маҳалла фуқаролар йиғинларида қурилиш ишлари сифатли даражада олиб борилмоқда.
Дастурга мувофиқ маҳаллдаги якка тартибдаги 755 та уйлар мавжуд бўлиб, ушбу уй-жойларнинг 132 тасида том қисми, 232 тасида фасад қисми таъмирлаш ишлари режалаштирилган. Шу билан бирга, маҳалла ҳудудларида ободонлаштириш ва кўкаламзорлаштириш ҳамда тартибга келтириш борасида ушбу ишлар амалга оширилган.
Дастур доирасида 1 дона чиқиндихона қуриш режага киритилган.
Маҳалла ҳудудида 6,0 км. электр узатиш тармоғини қуриш ишлари давом этмоқда.
