Жажжи болажонларни орзиқиб кутадиган Янги йил байрами ҳам тобора яқинлашиб келмоқда. Болажонларимиз ушбу қувонч ва шодликларга тўла кунни худди эртаклардагидек кутиб олишади. Байрам олдидан қорбобо ва қорқиз совғасига эга бўлиш учун эса “Арча”, “Қорбобо”, “Янги йил” ҳақидаги шеърларни ёд олишади. Байрам муносабати билан айни кунларда барча мактабгача таълим ташкилотларида “Арча байрамлари” ўтказилмоқда. Қўшкўпир туманидаги шундай тадбирлардан бири 4-сон мактабгача таълим ташкилотида  бўлиб ўтди.  Байрамда барча тарбияланувчиларнинг ота-оналари, тарбиячилар ва мактабгача таълим бўлими ходимлари иштирок этдилар. Эртамиз эгалари бўлмиш кичкинтойлар турли хилдаги чиқишлари билан даврага файз киритдилар. Айниқса, эртак қаҳрамонлари ролини бажарган болажонларнинг санъатга бўлган қизиқишининг ортганини алоҳида таъкидлаш мумкин. 

Постни тарқатинг: