Payshanba – “Huquqbuzarliklar profilaktikasi kuni”
Bugun “Huquqbuzarliklar profilaktikasi kuni” munosabati bilan Qo‘shko‘pir tumanidagi bir qator tashkilot va muassasa xodimlari ishtirokida profilaktik tadbirlar bo‘lib o‘tdi.
Jumladan, Milliy gvardiya Xorazm viloyati bo‘yicha boshqarmasi Bolalar bilan ishlash bo‘limi Qo‘shko‘pir tumani inspektor-psixologlari, tuman IIB xodimlari, Qo‘shko‘pir tumandagi maktab va maktabgacha bo‘limi mas’ullari bilan birgalikda tumandagi 1-sonli va 25-sonli umumiy o‘rta ta’lim maktablarida o‘quvchilar davomatini o‘rganishdi.
Mazkur ta’lim muassasalarida o‘quvchilar o‘rtasida voyaga yetmagan va yoshlar o‘rtasida jinoyatchilik va huquqbuzarliklarni oldini olish mavzularida uchrashuvlar o‘tkazilib, o‘quvchilarga “Bezorilar” nomli video rolik namoyish etildi. Va bu borada tushuntirishlar berildi.
O‘quvchilarga tuman tibbiyot birlashmasi shifokorlari tomonidan sog‘lom turmush tarzini targ‘ib qilish, ruhiy salomatlik shaxsiy gigiyena qoidalariga rioya qilish, sog‘lom ovqatlanish, zararli odatlardan voz kechish, tibbiy madanyatni rivojlantirish yuzasidan tushuntirishlar berildi.
Qo‘shko‘pir tuman hokimligi matbuot xizmati
