RASMIY MUNOSABAT
Ijtimoiy tarmoqlar orqali "Qo‘shko‘pir tumanidagi abgor yo‘llar" sarlavhasi ostida videomurojaat yo‘llangan.
Ushbu murojaatni o‘rganish maqsadida Qo‘shko‘pir tuman hokimligi tomonidan ishchi guruh tuzilib, tegishli tartibda o‘rganib chiqildi.
O‘rganishlar davomida videomurojaatda ko‘rsatilgan yo‘l tuman markazidan Gʻozovot qishlog‘iga olib boruvchi 4k 945 Qo‘shko‘pir sh-Gʻozovot k.” mahalliy ahamiyatdagi avtomobil yo‘li bo‘lib (0-15 km), joriy yilda ushbu yo‘lning 0-8 km qismlarida joriy ta’mirlash ishlari bajarilganligi, ushbu yo‘lning 15 km qismini kapital ta’mirlash uchun O‘zbekiston Respublikasi Prezidentining 10 oktyabr 2023 yildagi “Yo‘l xo‘jaligi sohasini yanada takomillashtirish chora-tadbirlari to‘g‘risida” PQ-330 sonli Qarori bo‘yicha taklif berilganligi, umumiy foydalanishdagi avtomobil yo‘llarining ta’mirlash ishlari bir vaqtning o‘zida olib borilishini imkoniyati cheklanganligini va ushbu ob’yektlarni moliyalashtirish bosqichma-bosqich amalga oshirib kelinayotganligi, ta’mirlash ishlari ajratilgan limit mablag‘lar doirasida bajarilishi belgilanganligini ma’lum qilamiz.
