RASMIY MUNOSABAT:Ishchi guruh tomonidan o‘rganilgan kamchiliklar bartaraf qilindi
Ijtimoiy tarmoqlar orqali Qo‘shko‘pir tumanidagi 46-son umumta'lim maktabi binosi avariya holatida ekanligi, 19-son MTT da tarbiyalanayotgan bolalar uchun sharoitlar yaxshi emasligi, 21-sonli oilaviy poliklinikadan ko‘p maqsadlarda foydalanilayotganligi, Chamanzor mahallasidagi ko‘p qavatli binolarning yo‘laklarida joylashgan elektroshitlarning ochiq, xavfli holatda ekanligi, bir fuqaroning hovlisi orqasida noqonuniy tarzda parranda va chorvachilikka ixtisoslashgan ferma tashkil qilgani, buning natijasida shu hududda yashovchi aholiga ekologik jihatdan ta’sir qilayotganligi, shuningdek, o‘sha joydagi elektrotransformatorning ayanchli ahvoldaligi bo‘yicha videolavha tarqalgan edi.
Ushbu holatlar tegishli tashkilot rahbarlari bilan o‘rganildi va ijobiy hal qilish yuzasidan ishlar amalga oshirildi.
19-son DMTTda ishchi guruhlar tomonidan aniqlangan barcha kamchiliklar bartaraf qilindi. Ya'ni, qo‘lbola yasatilgan umivalniklar olib tashlanib, zamonaviy umivalniklar o‘rnatildi. Hozirda issiq suv va sovuq suv bilan ta'minlangan. Bolalar tarbiyalanayotgan guruh xonalari devorlariga ranglar berilib, karidor yangi gilamlar bilan to‘shaldi. Ochiq elektroshitlarning kamchiliklari mutaxassislar tomonidan bartaraf etildi.
Tumandagi tanqid ostiga olingan 46-son maktabning kamchiliklari ham bartaraf etildi. Tanqid ostiga olingan sinf xonalari va hojatxonalari ta'mirlandi. Hojatxonalariga yangi umivalniklar qo‘yildi. Issiq suv va sovuq suv bilan ta'minlandi.
21-sonli oilaviy poliklinikadagi hamda Chamanzor mahallasidagi ko‘p qavatli binolarning yo‘laklarida joylashgan elektroshitlar ham mutaxassislar tomonidan bartaraf etildi, boshqa tilga olingan kamchiliklar joyida hal qilindi.
Noqonuniy qurilmalar qurib kichik ferma tashkil qilgan fuqaroning faoliyati o‘rganilib, bu kamchiliklar ham bartaraf etildi. Noxush hid taratayotgan axlatlar tozalanib, binolar ta'mirlandi, tevarak-atrof tozalandi.
QO‘SHKO‘PIR TUMANI HOKIMLIGI AXBOROT XIZMATI
