СУНЪИЙ ҚОПЛАМАЛИ СПОРТ МАЙДОНЧАСИ
Муҳтарам Президентимизнинг “Халқ таълими тизимидаги мактабдан ташқари таълим самарадорлигини тубдан ошириш чора-тадбирлари тўғрисида”ги қарори асосида бугунги кунда Қўшкўпир тумани умумтаълим мактабларининг фойдаланилмасдан бўш турган ерларида замон талабларига жавоб бера оладиган сунъий қопламали спорт майдончалари барпо этилмоқда.
Бугун Қўшкўпир тумани “Олтин воҳа” маҳалла фуқаролар йиғини ҳудудида сунъий қопламали спорт майдончаси барпо этилиб, фойдаланишга топширилди. Мазкур лойиҳани амалга ошириш учун “Ёшлар келажагимиз” жамғармаси томонидан тадбиркор Наврўза Оллаёрова раҳбарлигидаги “Автошер смарт” МЧЖ га 140 млн. сўм маблағ ажратилди ва ҳозирда 3 нафар ёшларнинг бандлиги таъминланди.
Жорий йил Қўшкўпир туманида 40 та суний қопламали спорт майдончаси қурилиши режалаштирилган бўлиб, шулардан 18 таси тайёр ҳолга келтирилди. Қолган 22 та мактаб ҳудудида эса спорт майдончаси барпо этиш ишлари давом этмоқда.
Сунъий қопламали спорт майдончалари ўқувчи-ёшларни спорт билан шуғулланишлари, жисмоний тарбия дарсларини самарали ўтказишга янада кенгроқ имконият яратади.
