Туман ҳокими Ж.Раҳимовнинг Янги йил байрам табриги
Ассалому-алайкум ҳурматли юртдошлар ва азиз болажонлар!
Барчангизни кириб келаётган янги 2020 йил билан самимий муборакбод этаман. Янги йил байрами барчамиз орзиқиб кутадиган, ҳаммамизга бирдек олам-олам қувонч улашадиган катта умид ва орзулар сари етаклайдиган байрамлардан биридир.
Ўтиб бораётган йил барчамизнинг ҳаётимизда ҳам ўзига хос ижобий из қолдирди десам янглишмайман. Мамлакатимиз миқиёсида эришилган ва эришилаётган ютуқлар Ўзбекистоннинг дунё ҳамжамиятини ҳайратга солаётган ижтимоий иқтисодий кўрсаткичлари ва барча ислоҳатларнинг мазмун моҳияти инсон манфаатларига йўналтирилганлиги барчамизга фаҳр ва ғурур бағишлайди.
Ўтиб бораётган “Фаол инвестициялар ва ижтимоий ривожланиш” йилида туманимизда ҳам бир қатор салмоқли ишлар амалга оширилиб бу йилни хам муносиб тарзда якунлаш арафасида турибмиз.
Албатта бу ютуқларимиз замирида муҳтарам юртбошимиз Шавкат Мирзиёев олиб бораётган Ўзбекистоннинг янги тараққиёт йўлидаги одилона сиёсатининг натижасидир десам янглишмайман.
Хусусан “Обод қишлоқ” дастури доирасида худудларни комплекс ривожлантириш ва давлат дастурлари доирасида бир нечта ижобий ишлар амалга оширилди. Шунингдек дастур доирасида тумандаги 3 та оилавий поликлиника ҳамда туман тиббиёт бирлашмасининг бош биноси қайта таъмирланиб фойдаланишга топширилди.
. Шу ўринда яна бир жиҳатга алоҳида эътибор беришинггизни сўрайман.
Бугунги кунда мактабгача таълим тизимига давлат сиёсати даражасида қаралмоқда, бу борада шу йилнинг ўзида туманда 3 та мактабгача таълим ташкилоти янгидан бунёд қилинди ва болажонлар ихтиёрига топширилди ҳамда 53 та оилавий нодавлат мактабгача таълим ташкилотлари ташкил этилди. Президентимиз Шавкат Мирзиёевнинг одилона сиёсати туфайли аҳолининг ижтимоий ҳимояга мухтож қатламига кўрсатаётган эътибори туфайли туманимиз марказида хам кўп қаватли арзон намунавий лойиҳалар асосида 73 та хонадон ўз эгаларига топширилди.
Ҳурматли юртдошлар, кириб келаётган янги йилда барча ззгу мақсадларимиз рўёбга чиқишини, хонадонларимизнинг қут баракасини - файзини беришини чин қалбимдан тилаб қоламан. Кириб келаётган янги йилда юртимизга, барча оилаларга бахт-саодат тилайман, юртимиз тинч, хаётимиз фаровон бўлсин.
Постни тарқатинг:
