Ўзбекистон Президенти 4 давлат Президенти билан учрашд
Ўзбекистон Президенти Шавкат Мирзиёев Қозоғистоннинг Биринчи Президенти – Элбоши Нурсултон Назарбоев билан учрашди.
Биргаликдаги саъй-ҳаракатлар туфайли кейинги йилларда Ўзбекистон ва Қозоғистон ўртасидаги анъанавий яқин муносабатлар сифат жиҳатидан янги босқичга кўтарилгани, аниқ амалий мазмун билан бойигани мамнуният билан қайд этилди.
Учрашувда икки томонлама муносабатларга оид, шунингдек, глобал ва минтақавий аҳамиятга молик долзарб масалалар юзасидан фикр алмашилди.
www.president.uz/uz/3100
Марказий Осиё давлат раҳбарларининг иккинчи Маслаҳат учрашуви доирасида Ўзбекистон Президенти Шавкат Мирзиёев ва Қирғизистон Президенти Сооронбой Жээнбековнинг учрашуви бўлиб ўтди.
Давлат раҳбарлари Ўзбекистон ва Қирғизистон ўртасидаги кўп асрлик дўстлик ва яхши қўшничилик муносабатлари изчил кенгайиб, мустаҳкамланиб бораётганини катта мамнуният билан қайд этдилар.
Минтақавий ва халқаро аҳамиятга молик долзарб масалалар юзасидан ҳам фикр алмашилди.
www.president.uz/uz/3101
Тошкентда ўтаётган Марказий Осиё давлат раҳбарларининг иккинчи Маслаҳат учрашуви доирасида Ўзбекистон Президенти Шавкат Мирзиёев Туркманистон Президенти Гурбангули Бердимуҳамедов билан учрашди.
Давлат раҳбарлари икки томонлама ва кўп томонлама масалалар юзасидан фикр алмашдилар.
www.president.uz/uz/3103
Марказий Осиё давлат раҳбарларининг иккинчи Маслаҳат учрашуви доирасида Ўзбекистон Президенти Шавкат Мирзиёев Тожикистон Президенти Эмомали Раҳмон билан учрашди.
Стратегик шериклик даражасига кўтарилган кўп қиррали Ўзбекистон-Тожикистон ҳамкорлиги ривожланиб бораётгани катта мамнуният билан қайд этилди.
Алоқаларни кенгайтириш истиқболлари муҳокама қилинди, шунингдек, минтақавий ва халқаро аҳамиятга молик долзарб масалалар кўриб чиқилди.
www.president.uz/uz/3102
Тошкент шаҳрида Марказий Осиё давлатлари раҳбарларининг иккинчи Маслаҳат учрашуви бошланди.
Делегациялар раҳбарларининг биргаликда суратга тушиш маросими бўлиб ўтди. Сўнг улар тор доирада учрашув ўтказдилар.
Ўзбекистон Президенти Шавкат Мирзиёев мажлисда нутқ сўзлаб, минтақамизда ҳамкорликни янада ривожлантириш, дўстлик ва яхши қўшничилик, тинчлик ва хавфсизликни мустаҳкамлашга қаратилган қатор муҳим ташаббусларни илгари сурди.
www.president.uz/uz/3104
Постни тарқатинг:
