Заҳириддин Муҳаммад Бобур
Заҳириддин Муҳаммад Бобур таваллудининг 540 йиллиги кенг нишонланди.
Бугун Қўшкўпир туманидаги 7-сон умумтаълим мактабида Заҳириддин Муҳаммад Бобур таваллудининг 540 йиллиги муносабати билан “Заҳириддин Муҳаммад Бобур ҳаётини ёд этиб” мавзусида маънавий-маърифий тадбир ташкил этилди.
Тадбирда ўқувчилар томонидан Бобур ҳаёти ва ижоди, бой маънавий мероси, шоҳ асарлари, нодир девонлари, бетакрор, ватан соғинчига йўғрилган ғазал ва рубоийлари саҳнавий кўринишлар орқали гавдалантирилди. Бобур ғазали билан ижро қилинган мумтоз ашулалар барчага юқори кайфият бағишлади. Тадбирда фаол иштирок қилган ўқувчилар фахрий ёрлиқлар билан тақдирландилар.
Қўшкўпир туман ҳокимлиги Матбуот хизмати
Постни тарқатинг:
